歐洲機票愈來愈平價，由前一兩年五千幾已經為底價，因為燃油附加費沒有，現在賣票二千九都有了，好抵去！重新給個idea大家，歐洲機票甚麼價位才值得入手！
以下所提及的價錢為來回連稅價錢，及未包廉航寄艙行李費，以淡季作標準。價錢及建議是個人之經驗，只作參考。
最低價：過去一年以來的最平價錢，可遇不可求。
俄羅斯航空 (經莫斯科轉機)
卡塔爾航空 (經多哈轉機)
阿提哈德航空 (經阿布紮比轉機)
阿聯酋航空 (經杜拜轉機)
想平去歐洲又肯轉機的，中東三寶 (卡塔爾航空、阿提哈德航空、阿聯酋航空) 同俄羅斯航空都會輪翻做優惠，差不多一個月都有一次優惠。只要提早4至5個月買一定都有平價！以前講價錢俄航一定最平，大部分歐洲航點連稅4千有找！不過今年阿提哈德做過2次優惠都連稅低過3千，講性價比當然為五星航空公司卡塔爾航空。本來少優惠的阿聯酋航空，2016年已出4次優惠 ，今年繼續推出，他家歐洲機票特點為可以中停杜拜，讓你玩多個地方！中東三寶的優惠一次比一次勁，一般來看，阿提哈德航空最實惠，其次為卡塔爾航空，最後為阿聯酋航空。建議4千港幣以下 (視乎航點) 就可以入手。
如果想坐直航，一定要早留意，因為沒有太多優惠推出，直航可以留意這幾間航空公司：
– 法國航空/皇家荷蘭航空 (約3個月一次優惠)
阿姆斯特丹：最平試過連稅$4,200，平時入手價$5,300。
巴黎：最平試過連稅$4,433，平時入手價$5,300。
– 芬蘭航空 (約3個月一次優惠)
芬蘭赫爾辛基：試過最平連稅$4,725，優惠不常見，預五千已經可以入手。
– 瑞士航空
蘇黎世：最平試過連稅$3,351 (16年11月出現的Last Minute優惠，平過坐轉機)，入手價$5,000。
– 英國航空 (約半年一次優惠)
倫敦：最平試過連稅$4,626 (16年11月推出，在聖誕時，新年旺季出發都有平)，入手價$5,800。
– 維珍航空 (約3個月一次優惠)
倫敦：最平試過連稅$2,525 (ZUJI 賣$787 優惠個一次，不能作標準)，入手價$5,800。今年維珍優惠都出得幾頻密，轉機價差唔多既優惠價唔難出現，優惠後連稅$4,600至5,600不等！不過最好都要預早半年留意啦。
– 北歐航空 (約2個月一次優惠)
瑞典斯德哥爾摩：而家做緊連稅$3,220，超級超級平！入手價$4,800。
– 奧地利航空
維也納：首航價連稅$4,686，入手價5,600。
– 漢莎航空 (約半年一次優惠)
慕尼黑：最平試過連稅$4,927，入手價$6,000。
法蘭克福：最平試過連稅$4,519，入手價$6,000。
– 土耳其航空
伊斯坦堡：最平試過連稅$5,870，長期無優惠，入手價$6,800。
– 國泰航空 (約3個月一次優惠)
結論：
1. 黃金定律！去歐洲的話一定要預早半年左右訂，好少會有last minute 優惠。
2. 肯轉機既一般坐中東三寶或俄航都會有平價，至於要坐直航既要無時無刻留意住啦，優惠罕有之餘有時會勁平！尤其在倫敦，維珍的直航價錢絕對同轉機價有得fight！
3. 通常歐洲既優惠都可以openjaw，即不同城市來回，就可以避免走回頭路，用Multi city 功能search 就得！如果想飛倫敦的話建議倫敦入其他城市出，就可以避開昂貴的離境稅，大約平$1,000 左右。
4. 至於暑假旺季出發，根據往年經驗，卡塔爾航空有機會在半年左右出優惠，連稅大約$5,000，但其他航空公司全部無優惠。
5. 歐洲的內陸廉航非常多，包括Ryanair、easyJet、Flybe、Niki、Germanwings、Vueling等等，所以如果想去啲二三線航點，或者甚至在歐遊，可以選擇以米蘭、羅馬、馬德裡的機場稅比較平的航點作為起點及終點，中間就坐內陸廉航會平好多。
相關連結:
Agoda銀行聯名卡訂房獲取亞洲萬裡通AsiaMiles哩數優惠推薦
评论